Emergency response team challenge gipahigayon sa Mandaue
CEBU, Philippines — Mas gipalig-on sa mga sakop sa Emergency Response Team sa kabarangayan sa siyudad sa Mandaue ang ilang pagtubag og alarma ug pagluwas og kabtangan ug kinabuhi.
Kini nonot sa gipahigayon nga National Disaster Resilience Month diin gihimo ang 1st Emergency Response Team Challenge. Sa maong indigay ilang gipakita sa matag response team ang ilang kahanas ug katakus sa pagluwas og kinabuhi.
Dugang nilang gipakita sa matag barangay response team ang ilang nakat-onan panahon sa ilang pagbansaybansay.
Sa maong indigay maoy midaug ang Barangay Tawason nga nakadawat og ganti nga P30,000, ikaduhang pwesto mao ang Alang-Alang nga nakadawat og ganti nga P20,000, ikatulo ang Tipolo nga nakadawat og P10,000 ug ikaupat ang Umapad ug Look nga nakadawat og P5,000.00. (BANAT NEWS)
- Latest
