Empleyado nakuryentihan, natagak patay
CEBU, Philippines — Patay ang usa ka job order (JO) nga trabahante sa engineering department sa munisipyo sa Tabogon human kini nakuryentehan niadtong Huwebes sa hapon Hulyo 20, 2023 samtang nagtaud og bombilya sa covered court sa barangay Manlagtang.
Ang nakuryentehan mao si Landrio Bregente Taperi Jr., 51, taga Barangay Daantabogon sa maong lungsod nga nadestino sa engineering department.
Dali nga niresponde ang kapulisan human makadawat sa nahitabo og base sa imbestigasyon ni Police Master Sergent Jayson Gulben nisaka kini sa steel trusses sa covered court para unta mag ilis sa sa bombilya.
Apan aksidente kini nga nakuryentehan ug nahagbong gikan sa taas gibanabanang 10-metros.
Dali nga gitabang ang biktima sa mga sakop sa Tabogon Disaster Risk Reduction Management Office (DRRMO) ug gidala sa Cebu Provincial Hospital Bogo City apan gideklara kini nga dead on arrival sa attending physician nga si Dr. Lisa Claire Branzuela. Paolo Anton Nabaja, UV Intern, Romeo Marantal ug Romeo Limpangog, IBM (BANATNEWS)
- Latest
