Cortes nipalig-on sa pakiglambigit sa purok

CEBU, Philippines —  Si Mayor Jonas Cortes sa Dakbayan sa Mandaue ang mas nipalig-on sa iyang pagpakiglambigit sa matag purok sa kabarangayan sa siyudad.

Kini iyang gihimo pinaagi sa pagpakigsawo og paniudto atol sa iyang pagsaulog sa iyang adlaw nga natawhan sa niaging Huwebes nga gipahigayon diha sa Mandaue City Cultural & Sports Complex sa Sitio Tribunal, Barangay Centro.

Gikasawo ni Cortes sa paniudto ang mga purok leader sa 27 ka barangay sa siyudad kauban usab sa ubang  opisyales ug sa pipila ka mga sakop sa konseho sa siyudad.

Nasayran nga iyang gihatagan og kamahinungdanon  ang pagpalig-on sa purok system tungod kay sa matag purok maoy nasayod sa tinuod nga kahimtang sa katawhan nga gikinahanglan aron sa dugang pa nga kalambo-an sa pagserbisyo.

Tinguha ni Cortes mapadangat ngadto sa katawhan anbg kinauyokan nga bahin sa iyang serbisyo aron pagtabang sa labing nagkinahanglan nga Mandauehanon.

Sa birthday celebration nidalit sa ilang mga talento ang mga nanambong sa paglingaw sa mga bisita sama sa sayaw ug kanta. BDB (BANATNEWS)