OWWA nipagawas na sa qualifications sa gustong moapil sa ODSP

CEBU, Philippines — Opisyal na nga gipagawas sa Department of Migrant Workers sa Overseas Workers Welfare Administration (OWWA)- 7 ang qualifications alang sa gustong mo salmot sa OFW Dependent Scholarship Program (ODSP) alang sa mga freshmen ug mga estudyante nga anaa sa college level sa umaabot nga school year 2023-2024 pinaagi sa ilang Facebook page.

Tumong sa ODSP ang pagtabang sa mga estudyante nga college level pinaagi sa paghatag og educational assistance nga Php 20, 000 sa tibuok tuig sa usa ka kwalipikadong dependents sa aktibong OWWA member OFW nga ang binuwan nga sweldo dili molapas sa USD600 o kapin P32,000.

Usa sa general qualifications sa maong scholarship ang kahigayonan nga kini anak o igsuon sa usa ka OFW active member.

Lakip sa qualifications nga kinahanglang single, kadtong mo first year college pa lang kinahanglang dili kini 21-anyos ug pataas, alang usab sa anaa na sa second year hangtud sa fifth year college kinahanglang dili mo lapas sa 30-anyos ang pangedaron.

Kinahanglan usab nga anaa kini passing nga General Weighted Average (GWA) ug na enroll sa usa ka Philippine-based college o university.

Lakip usab nga gipagawas sa maong post mao ang initial nga rekisitos nga gilangkuban sa pagmatuod sa pagkatawo o ang proof of identity diin ubos niini mao ang OFW’s valid passport ug school id o bisan unsa nga magamit nga valid ID isip pagpamatuod nga usa ka estudyante.

Anaa usab sa rekisitos mao ang pagmatuod sa OFW’s income diin lakip niini mao ang Overseas Employment Certificate (OEC) lakip ang sweldo, ingon man kopya sa pay slip, employment contract/ job order ug certificate nga nagpamutuod sa binuwan nga sweldo sa OFW. Kinahanglanon usab human sa initial nga evaluation ang birth certificate, CENOMAR, OFW declaration of no child dependent ug duha ka 2x2 ID picture nga adunay nametag. Dugang nga rekisitos ug impormasyon Makita diha sa website sa OWWA.

Ang OWWA-7 wala pa nipagawas sa opisyal nga lakang sa sa paagi sa pag-apply ug ingon man ang adlaw sa pagpanawat sa application hinungdan nga gi-awhag ang tanan nga magsubay ug magpabiling updated sa ilang Facebook page.  (BANAT NEWS)