Tulo ka adlaw nga transport forum malamposon

CEBU, Philippines — Malampuson ang tulo ka adlaw nga Transport Consultation Forum sa Public Utility Vehicle Modernization Program (PUVMP) sa Rehiyon 7 diin naglangkob kini sa pagpasiugda og makahuluganong diskusyon ug kolaborasyon sa mga nag-unang stakeholder sa sektor sa transportasyon.

Ang forum gipahigayon sa mga probinsya sa Bohol, Cebu ug Negros Oriental nga naghiusa sa mga prominenteng indibidwal ug mga opisyal nga nahimong instrumento sa pag-umol sa kaugmaon sa transportasyon sa rehiyon.

Si Bohol governor Erico Aristotle Aumentado mitambong sa forum didto sa Bohol uban sa kadagkuan sa transportasyon ug mga kooperatiba.

Nakita usab ang partisipasyon sa lima ka mga mayor nga nagrepresentar sa nagkadaiyang lungsod ug dakbayan sa Sugbo.

Ang ikatulo ug kataposang adlaw sa forum gihimo niadtong Biyernes, Hulyo 14, 2023 nga gipasiugdahan sa Probinsya sa Negros Oriental nga gitambongan ni Negros Oriental Gov. Manuel “Chaco” Sagarbarria uban ang duha ka mga mayor gikan sa munisipyo ug siyudad sa Negros Oriental, ug gikan sa probinsya sa Siquijor.

Ang kolaborasyon ug interaksyon sa mga nanambong nagpakita sa ilang gipaambit nga pasalig sa pagpausbaw sa kaepektibo, kaluwasan, ug accessibility sa mga sistema sa transportasyon.

Ang PUVMP Transport Consultation Forum sa Rehiyon 7 wala lamang nagpalambo sa makahuluganon nga panag-uban apan nagbutang usab sa sukaranan alang sa umaabot nga mga inisyatiba ug mga reporma sa sektor sa transportasyon.

Ang nakuha nga mga desisyon sa forum magsilbi nga usa ka blueprint alang sa mga magbabalaud, pagsiguro sa pagpatuman sa epektibo nga mga lakang nga makabenepisyo ang mga pasahero ug mga stakeholder. — CNU Intern/MEL (BANAT NEWS)