“Sugbuswak” sa Archdiocese sa Sugbo giaprobahan sa CBCP

CEBU, Philippines — Malipayon nga gipahibalo ni Archbishop Jose Palma, D.D sa Archdiocese of Cebu ang maayong balita gikan sa gipahigayon nga 126th CBCP Plenary Assembly didto sa Kalibo.

Matud pa ni Palma, atol sa ilang panagtigum sa plenary council uban sa tanang mga Obispo, ilang gikalipay uban nila ni Auxiliary Bishop Ruben Labajo ug Auxiliary Bishop MIdyphil Billones ang unanimous nga pag apobar sa CBCP sa ilang proposal nga Sugbuswak sa Archdiocese of Cebu, diin manganak kini ug lain unya nga diocese sa habagatan ug amihanan nga bahin sa Sugbo.

Sumala pa ni Palma, nalipay ang mga Obispo sa pangandoy sa Archdiocese of Cebu sa plano nga sugbuswak ug usa ka importante nga rekisitos ang pag aprobar sa mga Obispo.

Gitug-an ni Palma, human nadawat na niya ang pag aprobar sa mga Obispo, hinungdan magpadayon sila karon sa mga gikinahanglan apan sa pagkakaron mapasalamaton siya sa tanan ug nipaabot sa iyang pahalipay sa tanang magtutuo.

Kahinumduman unang gipadayag sa kadagkuan sa Archdiocese of Cebu, human nila maduso ang ilang plano nga sugbuswak sa CBCP nga ila usab kini isumiter sa Roma ang proposal kung unsaon nila pag evaluate ug pag distribute sa resources human ma establisar unya ang tulo ka diocese.

Lakip sa plano kung unsaon ang operation sa existing seminary ug formation ilabi na nga wala na silay tinguha nga magtukod ug mga seminaries sa bag-ong matukod nga diocese. —/MEL (BANAT NEWS)