City Health miawhag sa mga gipiskat nga dili motrabaho

CEBU, Philippines — Cebu City Health Department niawhag sa katawhan nga kung mahimo dili sila mogawas kung aduna man gani silay piskat.

Gibutyag ni Dr. Daisy Villa, ang pangulo sa City Health Department nga daghan karon ang kaso sa piskat kinsa dali ra kaayo nga mokatap.

Sumala pa ni Villa, ilang gidasig ang katawhan nga kung aduna man gani piskat mas maayo dili sila manarbaho aron ma protihian ang ilang kauban ug dili matakdan tungod kay paspas kaayo ning motakod ilabi na kun dili kanunayon ang paghugas sa kamot.

Hinoon aduna ray tambal nga madapat sa higayon nga adunay piskat ang tawo.Si Villa nitug-an nga mas maayo nga sundon sa katawhan ang health protocols sama sa kanunay nga paghugas sa kamot.

Ang dakbayan sa Sugbo nakasinati karon ug daghan nga kaso sa piskat gikan sa mga bata ngadto na sa mga hamtong. (BANAT NEWS)