Sakop sa Bloods naangol human pusila sa sakop sa Crips
CEBU, Philippines — Naangol ang sakop sa Bloods Gang sa giingong pagpamusil sa Crips Gang niadtong Huwebes sa hapon diha sa M.L. Quezon Avenue sa Barangay Cabancalan, Siyudad sa Mandaue.
Si Police Captain Armel Coloscos, hepe sa kapolisan sa Presinto 4 sa Mandaue Ciy Police Office (MCPO) niila sa biktima nga mao si Carlo Marmojada, hingkod ang panuigon, taga Sitio Pilit, Barangay Cabancalan sa nahisgutang siyudad.
Ang suspetsado nailhan lang sa ngalan nga “Quimbo”, taga Sitio Calderohan, Barangay Maguikay sa nahisgutan usab nga siyudad.
Matud ni Coloscos nga naglakaw ang biktima padulong kining mopauli sa ilang panimalay dihang kalit kining gipusil sa suspetsado dayong sibat pahilayo sa maong dapit.
Ang biktima nakabaton kini og samad pinusilan sa iyang kamot dali nga gidala diha sa Mandaue City Hospital.
Ang kapolisan sa siyudad nipahigayon kini og hot pursuit operation batok sa suspetsado kinsa wala pa madakpi hangtud karon.
Dugang ni Coloscos nga giingong ang biktima ug ang suspetado adunay karaang panagbangi. BDB (BANATNEWS)
- Latest
