P1 milyong ihatag sa kapitolyo sa nisalmot sa Suroy Suroy
CEBU, Philippines — Makadawat og tag usa ka milyon ka pesos nga subsidy ang pito ka lungsod ug siyudad sa mid-west Cebu nga niapil sa ‘Suroy Suroy Sugbo: Explore the Midwest’ gikan sa Cebu Provincial Government.
Gianunsyo kini ni Gobernador Gwendolyn Garcia atol sa finale sa Hinulawan Festival sa Toledo City diin mao usab ang last stop ug nagtapos sa tulo ka adlaw nga tourism caravan niadtong Hunyo 12, 2023.
Sulod sa tulo ka adlaw sukad niadtong Sabado, gisuroy ni Garcia uban sa mga partisipante sa Suroy Suroy Sugbo ang mga lungsod ug siyudad sa mid-west Cebu apil na niiini ang Tabuelan, Tuburan, Asturias, Aloguinsan, Pinamungajan, Balamban, ug Toledo City.
Si Garcia nagkanayon nga gipasaka sa mga LGUs sa mid-west ang standard sa tourism caravan.
"When we challenge the Sugboanon, the Sugboanon will rise up and show what stuff we are made of. When we are asked to level up, we level up beyond expectations. Right now, in the whole Province of Cebu, this culture of excellence pervades, infects, and is always the order of the day" matud ni Garcia.
Gawas sa tag usa ka milyon sa pito ka LGU mohatag usab si Garcia og tag P500,000 sa 10 ka contingents sa Hinulawan festival ug laing P3 million sa LGU-Toledo. (BANATNEWS)
- Latest
