Violations booth ipahiluna sa City Treasurer`s Office
CEBU, Philippines — Adunay ibutang nga stall o booth diha sa City Treasurer's Office sugod karong adlawa Hunyo 1, 2023 alang sa mga indibidwal nga gustong mo-settle sa ilang traffic violations.
Sa advisory sa Cebu City Transportation Office, lakip sa dawaton sa maong booth mao ang mo-proseso sa mga sakyanan nga na-clamp.
Bukas ang maong booth gikan sa alas 8 sa buntag hangtud sa alas 5 sa hapon, Lunes hangtud sa Biyernes.
"You can still settle your traffic violations after 5PM at the CCTO/SRP Office," tipik sa unod sa advisory.
Gibutyag usab sa CCTO nga ang mga sakyanan nga na-impound adto gyud i-settle sa buhatan sa CCTO sa SRP.
Sa nasayran, ang CCTO naka-isyu og 4,869 ka citation tickets niadtong Abril, samtang 7,664 ka violators niadtong buwan sa Marso.
Kasagaran sa mga nadakpan mao ang walay rehistro, expired ang mga lisensya, ingon man ang pagbaliwala sa mga traffic signages sa kadalanan.
Ang CCTO nihimo og lapad nga pag-roving diha sa kadalanan batok sa mga nakalapas sa balaud sa trapiko lakip niini ang mga sakyanan nga gipataka og parking. (BANAT NEWS)
- Latest
