Bagong pantalan sa Liloan gisubhan ni BBM

CEBU, Philippines - Mas paspas nga pagbiyahe ug makapalagsik sa ekonomiya ang paghulagway ni Presidente Ferdinand Marcos Jr. sa bag-ohay lang gilusad nga Pier 88 diha sa lungsod sa Liloan kagahapong adlawa.

Sumala sa presidente nga susama sab kini sa konsepto sa connectivity nga giduso sa mga nasud nga sakop sa Association of Southeast Asian Nation o ASEAN.

Matod sa presidente dili lang Liloan ang makapahimulos niini apil na pud ang ubang mga lugar.

“It’s going to be good for Camotes, it’s going to be good for Liloan but it doesn’t end there. The concept that us, ASEAN leaders, that have been talking about so as to develop the economies of the ASEAN member states is the concept of connectivity. We have use the word connectivity merely to describe digital connectivity. We have now extended the meaning of that connectivity to include not only digital connectivity but also to include connectivity in terms of land sea and air transport and this is what it provides,” matud ni Marcos.

Niuyon pud Marcos sa pamahayag ni Gobernador Gwendolyn Garcia nga ang Pier 88 parte kini sa mas dakong sistema nga pang-ekonomiya nga gitinguha sa gobiyerno. Kinahanglan lang ang pagsumpay-sumpay niini.

Si Garcia sa iyang speech kagahapon, mihulagway nga ang Pier 88 usa ra ka damgo kaniadto nga karon usa na ka reyalidad. Gipaabot kini nga makahatag og dugang kalamboan sa Sugbo hilabina sa isla sa Camotes.

“These will now give the people of Camotes and the people of Cebu a choice more importantly the riding public a choice to reach Camotes. And for our Mayors of Poro, San Francisco, Tudela and even Pilar a much brighter future of economic development through a boom in tourism,” matud ni Garcia.

Ang Pier 88 usa kini ka 3-phase port o commercial development project nga nahimutang sa tulo ka ektarya nga pribadong luna sa lungsod sa Liloan nga gi-develop sa Topline Group of Companies.

Tulo ka shipping firms ang nisaad nga mag deploy og mga barko alang sa Liloan-Poro Camotes nga routa matag adlaw pinaagi sa maong pantalan.

Kini mao ang Oceanjet, Super Shuttle Ferry ug Aznar Shipping.

Si Marcos maoy nangulo sa inagurasyon sa P2- Billion Pier 88 Seaport Project sa Liloan uban nila Vice President Sara Duterte, DOT Secretary Christina Frasco, Gov. Gwen Garcia, Congressman Duke Frasco, Mayor Aljew Frasco sa Liloan,  CEO sa Topline Group of Companies nga si  Eugene Erik Lim uban sa mga lokal nga opisyal sa Sugbo sama sa mga mayor gikan sa tulo ka highly urbanized cities ug mga LGUs sa Probinsya sa Sugbo.

Ang pagbukas niini gidungan sa ika-178 nga anibersaryo sa Liloan ug pagbalik sa Rosquillos Festival niini nga nahunong tungod sa pandemiya