Menus ang nagpabakuna sa Chikiting Ligtas sa Talisay City
CEBU, Philippines - Giangkon sa City Health Office sa Dakbayan sa Talisay nga hinay ang ilang turn outs o ang mga bata nga nagpabakuna batok sa polio, tigdas ug rubella sa gipangushang Chikiting Ligtas nga kampanya sa Department of Health.
Si Dr. Lino Alanzado, pangu sa CHO nagkanayon nga naa pa sila sa 33 porsyento sa ilang target nga 95 porsyento nga pagbakuna sa nag edad 5 anyos paubos.
Sa pagkakaron, padayon ilang pagpamakuna sa mga kabataan diha sa mall sa Barangay Lawaan 1, Dakbayan sa Talisay.
Si Mayor Gerald Anthony “Samsam” Gullas nga ilang gipun-an ang dapit alang sa pagbakuna aron mas daghan sa mga kabataan ang makakuha sa proteksyon.
Ang bakuna sa malls pagahimuon sa Lunes hangtud na sa Domingo gikan sa alas 9 sa buntag hangtud sa ala una sa hapon. Hinuon naa sab silay eskedyul sa tulo ka Rural Health Unit sa siyudad.
Posible sab nga mag house to house ang pagbakuna pinaagi unya sa mga Barangay Health Workers aron makuha ilang target.
Sa laing bahin, dili momenus 7, 970 ka mga bata sa siyudad sa Naga ang nabakunahan na batok sa maong mga sakit.
Matud pa 70% gikan sa target nga populasyon sa mga bata sa siyudad ang gusto nilang mabakunahan atol sa Chikiting Ligtas Supplemental Immunization Activity (SIA).
Ang City Government of Naga, Cebu sa ilang Facebook page nagkanayon nga mamahimong makaadto sa vaccination areas ang mga ginikanan dala ilang mga anak nga wala pay bakuna. Aduna pud gipahigayon nga house to house vaccination.
Didto sa Siyudad sa Danao, moabot na pud sa dili momenus 7, 630 ang nabakunahan gikan sa 12, 797 nga target population.
Hangtod Mayo 31, 2023 ang pagpatuman sa maog programa. — Gabriel Bonjoc
- Latest
