1,570 ka prangkisa sa traysikol sa Mandaue walay mga tag-iya
CEBU, Philippines — Walay nanag-iya sa 1,570 ka prangkisa alang sa tricycle for hire sa Siyudad sa Mandaue niining mga panahona gumikan kay napakyas ang mga naghupot niini sa pagpa-renew.
Kini ang gibutyag ni Edwin Jumao-as, executive director sa Traffic Enforcement Agency of Mandaue (TEAM).
Ang mga tricycle operators napakyas sa pag-renew sa prangkisa sa ilang mga traysikol niining tuiga.
Si Jumao-as nagkanayon nga ang Mandaue City’s Tricycle for Hire Regulatory Board (TFHRH) niluwat og 2,500 ka prangkisa sa niaging katuigan alang ngadto sa mga qualified operators pinaagi sa City Legal Office.
Nunot niini, sa mga pakisusi nga ilang gihimo ilang nasuta nga ang 1,570 ka prangkisa ang walay nanag-iya niini karon.
Ang pag-renew sa prangkisa hangtud kini niadtong Abril 15, 2023 ug gilugwayan kini og tulo ka adlaw human sa gihatag nga deadline.
Gibutyag ni Jumao-as nga kadtong napakyas sa pag-renew sa ilang prangkisa dili na mo-qualify sa pag-angkon og bag-o nga prangkisa. – BDB (BANATNEWS)
- Latest
