Gikawot nga yuta sa brgy Candulawan patabunan sa MGB
CEBU, Philippines — Nirekomendar ang taga Mines and Geosciences Bureau (MGB-7) nga tabunan ang bangag nga giingong adunay gihimo nga treasure hunting sa Barangay Candulawan, Dakbayan sa Talisay.
Kini human sa gihimong inspeksyon sa taga MGB ug sila nagtuo nga aduna gyuy treasure hunting nga nahitabo hinungdan nga di na nila paduolan ang lugar nga gikawtan tungod kay naapektohan naman ang structural integrity niini labi na sa panahon sa linog ug pag uwan.
Una niini, ang mag live-in partner nga sila si Nestor Canunayon ug Marissa Abadiano nag ingon nga septic tank ug atabay ang ilang gihimo.
Apan base sa nakita sa taga MGB-7 treasure hunting gyud ang ilang gihimo.
Si Alvin Santillana, pangu sa City Disaster Risk Reduction and Management Office (CDRRMO) nagkanayon nga wala na gyud nila paduoli og tawo ang lugar.
Bisan pa ang magkapuyo nga nagpasiugda sa pagkawot sa yuta.
Gumikan sa rekomendasyon sa taga MGB-7, si Atty. Giovanni Sususco niingon nga laing kaso ang dugang nilang ipasaka ug giandam na nila ang mga dokumento alang sa pagsang-at sa dugang kaso sunod semana. — MEL ( Banat News )
- Latest
