Traffic enforcers na-heat stroke
CEBU, Philippines — Duha ka traffic enforcers sa Mandaue City ang gikatahong na mild stroke samtang sila nagtrabaho tungod sa grabeng kainit sa panahon.
Kini ang gibutyag ni Arnold Malig-on, Operation Head sa Traffic Enforcement Agency of Mandaue nga nahinabi sa mga tigbalita. Matud pa ni Malig-on tungod sa grabeng kainit sa panahon ang duha nila ka enforcers ang na mild stroke. Ang ang usa nakabalik na apan aduna nay deperensya, samtang ang usa ka enforcer naka on-leave pa.
Sumala pa ni Malig-on, tungod sa kainit sa panahon ilang awhag ang ilang mga traffic enforcers nga mopadaplin lang sa landong kung mingaw na ang dalan basta naa lang sa dapit kun asa sila nadestino aron makita ang ilang presensya.
Giawhag sab sila nga kanunay gayud moinom og daghan nga tubig taliwala sa naglagiting nga kainit.
Ang PAGASA padayon nga niawhag sa katawhan nga kanunay gayud moinom ug daghan nga tubig tungod sa nasinati nga grabeng kainit nga moabot gikan sa 38 ngadto sa 40 degree Celsius heat index.
- Latest
