Putol nga tiil napalgan nga gikitkit sa iro sa Liloan

CEBU, Philippines — Gisusi sa kapolisan sa Liloan Police Station kun kinsa ang tag-iya sa putol nga tiil nga napalgan alas 12 sa udto niadtong Martes nga gitabangan og kitkit sa mga iro sa Barangay Tayud, Lungsod sa Liloan.

Si Police Major Welther Grapa, hepe sa Liloan Police Station miingon nga sila nagtuo nga ang maong putol nga tiil gikan sa usa ka pasyente sa tambalanan nga gi operahan ug wa itarong sa paglubong hinungdan nga napalgan sa iro.

Nunot niini nakig-alayon na ang kapolisan sa mga opisyal sa barangay sa nahisgotang lugar alang sa pag-ila sa responsable nga naglabay niini.

Ang maong putol nga tiil gitugyan na ngadto sa usa ka punerarya aron hingpit nga malubong ug tarong. (BANAT NEWS)