Kadagatan sa Talisay gidagsa og mga tawo sa Easter Sunday
CEBU, Philippines — Midagsa ang mga tawo sa kadagatan sa Dakbayan sa Talisay atol sa adlaw sa pagkabanhaw, Easter Sunday, kagahapon.
Si Police Lt. Col. Randy Caballes, hepe sa kapolisan sa Talisay niingon nga miabot gyud sa 5 mil ka tawo ang nangaligo sa kadagatan.
Ang ihap nilangkob sa upat ka barangay sa Talisay nga mao ang Tanke, Dumlog, Biasong ug Poblacion.
Si Nena, 76 anyos uban sa iyang mga anak ug apo nitugsaw sa dagat aron sa pagpabugnaw.
Matud pa niya nga usa sab kini ka paagi sa pagselebrar sa pagkabanhaw sa labaw nga makakagahom.
Sa pagsuwat ning balita, si Caballes nibutyag nga walay mga dagkong kakulian nga nahitabo ang ilang namonitor.
Hinuon hugot nga gibantayan sa kapolisan ang kadagatan kauban ang mga sakop sa Philippine Coastguard, Talisay Rescue Emergency Action Team (TREAT) ug mga force multiplier. (BANAT NEWS)
- Latest
