Seguridad sa Negros Oriental magpabiling hugot-VISCOM
CEBU, Philippines — Gipasalig sa Visayas Command (VISCOM) nga magpadayon ang ilang hugot nga seguridad kauban ang Philippine National Police sa probinsiya sa Negros Oriental.
Kahinumdoman nga nanawagan gyud og hustisya ang mga tawong nanambong sa lubong ni Negros Oriental Governor Roel Degamo sa niaging adlaw.
“We heard our people’s cry for justice and we will respond to their plea. Security efforts will be sustained until justice is served, and the peace and order in the province is restored,” saysay pa ni Lieutenant General Benedict Arevalo, ang Commander sa VISCOM.
Si Degamo gilubong sa mausoleum sa iyang pamilya sa Brgy. Bonawon, Siaton, Negros Oriental.
Gihatud siya sa liboan ka mga nagbangotan nga supporters , mga kahigalaan ug kabanay aron paghatag sa ilang kataposang pagtahod sa gipatay nga gobernador.
Atol sa maong adlaw, nadungog ang mga tawo nga nagsinggit og “Justice for Roel Degamo.”
Nagpabiling hugot ang seguridad sa Negros Oriental human sa deployment sa AFP personnel gikan sa unom ka Army battalions aron suportahan ang PNP sa ilang mga paningkamot sa pagpatuman sa balaod. (BANAT NEWS)
- Latest
