Petisyon ni Osmeña bahin sa modernisasyon sa Carbon gibasura

CEBU, Philippines — Gibasura sa Korte ang petisyon ni kanhi Mayor Tomas Osmeña  batok sa mga opisyales sa Kagamhanan sa Siyudad sa Sugbo ug sa kadagkoan sa Megawide Construction Corporation  kun diin gikuwestyon niini ang ubang butang  nga dunay kalabotan sa modernisasyon sa Carbon Market.

Sa kopya nga pinirmahan ni Judge Ma. Lynna Adviento sa Branch 58 sa Regional Trial Court, nahisgotan nga kulang sa "verification "ang pipila sa mga unod sa maong petisyon.

Samtang ang Megawide o Cebu2World Development, Inc. (C2W) nihangop sa maong kalamboan.

"The project gave vendors better facilities at the same rental rates; better police presence and overall security; more parking space; wider roads; removed literal mountains of garbage and flooding. Cebu even has new icons like Sto. Nino Chapel, Freedom Park, " tipik sa statement sa Megawide.

Gitataw sa maong kompanya nga makita nga klaro ang kalamboan sa merkado.

"Why should we stop a project that clearly benefits the majority of Cebuanos? Rather than hold Cebu back, we can do more in support of its progress," dugang statement sa Megawide. (BANATNEWS)