Tulo ka buwang truck ban ang ipatuman sa SRP sa Talisay City

CEBU, Philippines — Sugod karon adlawa Miyerkules Enero 25, 2023 did-an na sa pag-agi ang mga garbage trucks gikan sa Dakbayan sa Sugbo nga moagi sa South Road Properties agi sa Barangay San Roque sa Talisay City ug padulong sa Inayawan Sanitary Landfill.

Gidid-an sila nga moagi sa dalan Laray sa maong barangay San Roque lakip ang mga 10-wheeler trucks.

Kini base sa gipagawas nga resolution sa Barangay San Roque, nga gipadala sa mga opisyal ngadto sa Talisay City Hall, ilabi na sa buhatan sa City of Talisay Traffic Operations Development Authority kon CT-TODA.

Nanghanyo ang mga opisyal sa maong barangay ngadto sa CTTODA sa pagpatuman sa maong resolusyon kini tungod sa himoon nga drainage rehabilitation sa maong lugar.

Ang pagpatuman sa truck ban gihimo aron maminusan o kalikayan gayud ang pagbaha sa barangay kung mag-ulan-ulan.

Matud pa ni CT-TODA Chief Joy Tumulak, nakahupot siya og kopya sa maong resolusyon nga nag request ni Mayor Gerald Anthony “Samsam” Gullas nga mopatuman ug truck ban sa mga garbage trucks sa Cebu City, kini alang sa himoon nga drainage project. Dugang pa ni Tumulak, ang maong proyekto giingong molanat og tulo ka buwan, ug gipahibalo na ang taga Cebu City Government, DPS ug sa buhatan ni Vice Mayor Raymond Garcia may kalabutan sa ban.

Si Tumulak, nitug-an nga mag deploy sila og mga personnel sa maong lugar lakip usab ang mga barangay tanod sa Barangay San Roque arona mapadali ang maong proyekto nga makasulbad sab aha sa maong lugar ug malikayan ang disgrasya. (BANATNEWS)