Bearis: Police scalawags dili hunongan paggukod

CEBU, Philippines — Gihatagan og gibug-aton ni Police Regional Office-7 Director Brigadier General Jerry Bearis ang PNP Internal Cleansing Program ug pagresolbar sa problema sa mga miyembro sa PNP nga nahisalaag og dalan atol sa pagbisita niini Bohol Police Provincial Office sa Camp Francisco Dagohoy sa Tagbilaran City sa Probinsiya sa Bohol  niadtong Enero 18, Miyerkules.

Sa command visit ni Bearis sa BPPO kini mipasidaan nga dili sila mohunong sa ilang kampanya batok sa mga police personnel nga nalambigit sa Kotong, Hulidap ug illegal gambling ug illegal drugs. Matud niya kinahanglang limpyuhan ang han-ay sa kapulisan alang sa kausaban.

Gidayeg sab ni Bearis ang ang dedikasyon sa kapulisan sa Probinsiya sa Bohol aron pagpakgang sa tanang kriminalidad sa Bohol.  Nagpasalamat sab kini sa suporta nga gihatag sa Local Government Units sa Bohol, business community, NGOs, youth, ug uban pa.

"We will remain committed to pursuing all the existing programs of our organization along with my standing orders, directives, and programs consistent with our highest values and principles which are integral components to achieving our PNP organizational effectiveness and these are the use of Mobile Forces for urban patrolling, the creation of Center for Public Safety Analysis (CPSA) War Room and Anti-Drug Advocates Battalion," matud ni Bearis.

Nagpahinumdom sab kini sa tanan nga ipadayon ang paghatag og serbisyo alang sa kahapsay ug kalinaw. (BANATNEWS)