190 ka toilet bowls gipanghatag sa lungsod sa Minglanilla
CEBU, Philippines — Tungod sa tinguha ni Minglanilla Mayor Rajiv Enad para sa maayong pagpuyo kinahanglan gayud ang kasilyas alang sa tanan.
Ang Rural Health Unit nga gipangulohan ni Dr. Mae Mañacap-Vicente nang apod-apod ug 190 ka mga toilet bowls nga gihatag ngadto sa mga residente sa matag barangay sa lungsod sa Minglanilla.
Ang maong mga toilet bowls gipanghatag ngadto sa mga residente kansang mga panimalay ang walay pansayan.
Ang mga pamilya nga nakadawat sa maong toilet bowls nahinangop ug mapasalamaton tungod kay dako kini ug ikatabang nila nga makabaton ug kaugalingon nga comfort rooms.
Si mayor Enad una nang mipadayag nga maningkamot nga ang tanang pamilyang Minglanillahanon makaangkon ug kaugalingon nga kasilyas sa ilang mga pinuy-anan.
Gawas sa pansayan daghan pa ug mga plano nga proyekto si Enad sa Lungsod sa Minglanilla alang sa kaayohan sa iyang mga konstituwente. (BANAT NEWS)
- Latest
