Operasyon batok sa illegal nga drugas gihugtan sa MCPO

CEBU, Philippines —  Walay puas ang gipahigayon nga anti - illegal drug operation sa mga sakop sa kapolisan sa Presinto 3 sa Mandaue City Police Office (MCPO).

Kini miresulta sa pagkasakmit sa P433, 600 nga kantidad sa shabu ug pagkasikop sa napulo ka mga tawo nga nalambigit sa illegal nga kalihukan.

Si Police Captain Emmanuel Rabaya, hepe sa Presinto 3 sa MCPO miingon nga milungtad og 24 oras ang ilang operasyon nga miresulta usab sa pagkasakmit sa 6,375 gramo nga shabu.

Matud pa ni Rabaya nga ilang gisugdan ang ilang Anti - Illegal Drug Operation niadtong Enero 12, 2023 hangtud sa Enero 13, 2023.

Dugang pa ni Rabaya nga ang mga dinakpan kasamtangan karon nga gitanggongsa bilangguan ug gipasakaan na og kaso nga kalapasan sa Section 5 ug Section 2 ubos sa Article 2 sa Republic Act 9165 o Comprehensive Dangerous  Drug Act of 2002. (BANAT NEWS)