Liboan ka deboto nikuyog sa Walk with Mary

CEBU, Philippines — Liboan ka deboto ang nikuyog kaganihang kadlawon sa gipahigayon nga Walk with Mary.

Ang Birhen sa Guadalupe nanukad diha sa Archdiocese Shrine of Our Lady of Guadalupe mga alas 3:00 sa kadlawon.

Ang Walk with Mary gisugdan kini alas 4:00 kaganihang kadlawon diha sa Fuente Osmeña padulong ngadto sa Basilica Minore del Santo Niño.

Human sa walk with Mary gisunod ang Santos nga Misa ug dayon ang traslacion sa imahen ni Santo Niño ug Birhen sa Guadalupe gikan sa Basilica ngadto sa Dakbayan sa Mandaue.

Ang rota sa traslacion nanukad sa Basilica ngadto sa M.J Cuenco Avenue, mga barangay sa Lorega, Carreta, Hipodromo ug Mabolo dayon ngadto sa Dakbayan sa Mandaue.

Ang imahen sa Santo Niño ug Birhen sa Guadalupe anha sugaton sa Mandauehanon sa may Subangdako hangtud na ngadto sa National Shrine sa St. Joseph sa Dakbayan sa Mandaue diin adunay ipahigayon nga Santos nga Misa diha sa maong parokya.

Ang mga taga Cebu City nga niapil sa traslacion diha ra kutob sa may Innodata sa Subangdako ug nibalik sila sa Dakbayan sa Sugbo. (BANATNEWS)