Dalaw sa CCJ male dormitory gisuspenso
CEBU, Philippines — Nagpagawas og public advisory ang Cebu City Jail male dormitory mahitungod sa suspension sa dalaw karong adlawa alang sa voter’s registration sa mga Person Deprived of Liberty (PDL) sa maong pasilidad.
Base sa ilang public advisory, ang Cebu City Jail Male Dormitory nagpahibawo nga suspendido ang scheduled jail visitation karong adlawa sa main building 14 ngadto sa 15, kitchen ug cafeteria gikan sa ala 1:00 hangtud sa alas 5:00 sa hapon.
Sayo pa, gipahibawo sa Cebu City Jail Male Dormitory pinaagi sa ilahang official Facebook page niadtong Enero 3, 2023 ang pagbalik sa regular dalaw schedule.
Kini aron paghatag og higayon sa mga PDL nga makabotar sa umaabot nga barangay ug SK elections.
Nasayran nga hangtud sa Enero 31, 2023 lang ang extension sa voter’s registration.
Mobalik ang jail visitation sa maong pasilidad sa Enero 11, 2023 gikan sa ala 1:00 sa hangtud sa alas 5:00 sa hapon. (BANATNEWS)
- Latest
