188 ka sabongero gipasakaan na og kaso
CEBU, Philippines — Gisugdan na sa pagpasaka og kaso sa Regional Intelligence Division ug Provinicial Intelligence Unit ang mga sabongero nga nadakpan niadtong miaging Biyernes sa gabii. Si Deputy Provincial Director for Operations, Police Lt. Col. Mark Gifter Sucalit
nagkanayon nga 188 ka sabongero ang nakalapas sa Presidential Decree 1602.
Iyang gipasabot nga daghan sila og nadawat nga reklamo sa buwangan nga nahimutang sa Kimba, Barangay San Roque, Dakbayan sa Talisay.
Aduna man tuod silay permit apan ubos sa balaod mahimo sila makapahigayon og sabong sa adlaw nga Domingo lang.
Ang gym sa Barangay Cansojong maoy gihimo nga holding area sa mga dinakpan gumikan sa ilang kadaghan.
Ang kabanay sa mga dinakpan didto na sab nagsaulog sa ilang Pasko sa gym sa Cansojong. Matud pa ni Sucalit nga magsilbing leksyon kini alang ngadto sa mga sugarol. (BANAT NEWS)
- Latest
