DILG ug PNP dunay pahibawo kabahin sa “war on drugs”
![DILG ug PNP dunay pahibawo kabahin sa �war on drugs�](https://media.philstar.com/photos/2022/12/27/2_2022-12-27_19-55-14.jpg)
CEBU, Philippines — Adunay dakung pahibawo ang Department of Interior and Local Government(DILG) ug ang Philippine National Police(PNP) sa pagsulod sa bag-ong tuig.
Kini maoy gipadayag ni DILG Secretary Benjamin Abalos Jr. atol sa command visit niini sa Police Regional Office (PRO)-7 Headquarters sa Camp Sergio Osmeña, siyudad sa Sugbo.
Suma pa ni Secretary Abalos nga may kalabutan kini sa ‘war on drugs’ apan wala una kini modetalye gumikan kay matud pa confidential kini apan giandam na nila ang tanan nga gikinahanglan alang sa maong anunsiyo.
Gusto ni Abalos nga ang kapolisan sa Rehiyon Siete mohimo sa ilahang trabaho ilabi na sa pakigbatok sa ginadiling drugas ilabi na sa mga nanglabay nga operasyon diin sagad sa mga nadakpan miyembro sa mga law enforcement agencies sama sa PNP ug PDEA. Naglaom si Secretary Abalos nga ang tanang kapolisan sa PRO-7 mosuporta sa war against illegal drugs. Usa sa mga lakang nga gihimo sa DILG nga gisuportahan sa Local Government Units ug ubang ahensiya sa gobyerno aron batukan ang problema sa illegal drugs mao ang Buhay ay Ingatan, Droga ay Ayawan o BIDA Program.
Gidayeg sab ni Secretary Abalos ang paglusad ni Cebu Governor Gwendolyn Garcia sa One Cebu Inter-Agency Interdiction Task Force ug suma niya nga posible nga sundogon kini sa ubang lugar ilabi na sa Negros Oriental nga unang giadto sa kalihim aron mahatagan og solusyon ang pagkatap sa e-sabong sa dapit. Gihimug-atan sab sa opisyal nga aron masulbad ang problema sa drugas gikinahanglan ang pagpakabana ug kooperasyon sa tanan tungod kay dili lang kini trabaho sa mga law enforcement agencies. (BANATNEWS)
- Latest