7 ka top-performing representatives taga sugbo
CEBU, Philippines — Miabot sa pito ka kongresista sa Sugbo ang naapil sa Top-Performing District Representatives sa tibuok Central Visayas. Base kini sa gihimong survey sa RP Mission and Development Foundation Inc. usa ka independent, non-commissioned nationwide poll body.
Ang maong organisasyon nihimo og survey sa performance sa mga miyembro sa house of representatives sa tuig 2022 diin matud ni Dr. Paul Martinez ang Executive Director sa RPMD nga ang rating ug ranking sa mga kongresista gikan sa mga konstituwente niini base sa "representation," "legislation," ug "constituent service” niini.
Si kongresista ug deputy speaker Duke Frasco sa kinto distrito ug Pablo John Garcia sa 3rd district parehong dunay 94% nga approval rating.
Naa sa second place mao ang kongresista sa 2nd district sa Negros Oriental nga si kongresista Manuel Sagarbarria nga nakakuha og 91%; gisundan ni Cong. Edu Rama sa Cebu City (2nd District) nga nakakuha og 90 percent, Cong. Josy Limkaichong sa Negros Oriental (1st District) sa fourth place nga nakakuha og 89 percent, Cong. Edgar Chato sa Bohol (1st District) nga maoy ika-lima nga top performing district representative human nakakuha og 88 percent.
Ang ika-unom nga top performing Representatives mao sila si kongresista Emmarie Ouano-Dizon sa Mandaue City (Lone District) nga nakakuha og 87 percent; Rhea Mae Gullas (1st District –Cebu) nga 86 percent ang score; Daphne Lagon (6th District-Cebu)nga nakakuha og 85 percent; Alexei Tutor sa Bohol (3rd District) nga nakakuha pud og 85 percent; Vanessa Aumentado sa Bohol (2nd District) 83 percent ug Ma. Cynthia Chan sa Lapu-Lapu City (Lone District) nga nakakuha og 82 percent. Ang maong survey gipahigayon niadtong Nobiyembre 27 hangtud Disyembre 2, 2022 diin ang RP Mission nipahigayon og non-commisioned survey matag district sa rehiyon lukop nasud. Moabot sa 10, 000 ka respondents ang gipangutana kon aprobado o dili ba nila aprobado ang ilang district representative sa trabaho niini isip kongresista sa ilang distrito. —/MEL (BANAT NEWS)
- Latest
