Kapolisan niapil sa pagpanglimpyo sa kabaybayonan
CEBU, Philippines — Niapil sa pagpanglimpyo ang kapolisan sa duha ka dakbayan sa unang distrito diha sa kabaybayon atol sa international coastal clean-up niadtong miaging adlaw.
Ang kapolisan sa Carcar pinangulohan ni Police Lt. Col. Ardeolito Cabagnot uban sa mga sakop sa KKDAT, Faith-Based Volunteers ug mga opisyales sa barangay nanglimpyo sa kabaybayonan.
Mga sinako nga botelya, plastik, kahoy ug uban pa nga basura ang ilang nakuha.
Samtang susama sab ang nahipos nga basura sa kapolisan sa Dakbayan sa Talisay pinangulohan ni Police Lt. Col. Randy Caballes.
Niuban kanila ang mga sakop sa BJMP, BFP, coastguard, mga residenti sa barangay Tanke, force multipliers ug uban pa nga non-government organization.
Gipahinumduman usab ang mga residente nga kanunayon ang pagpanglimpyo sa palibot.
Una niini, ang konseho sa siyudad sa Talisay nagpanday na og balaodnon sa pag ban sa paggamit og plastik kay kini maoy nag unang rason nga mabarado ang mga kanal ug kanunay mahitabo ang pagbaha. (BANAT NEWS)
- Latest
