Marathon hearing sa budget sa Cebu City sugdan sa Lunes

CEBU, Philippines — Sugdan na karong Lunes ang marathon hearing sa giduso nga budget sa kagamhanan sa Siyudad sa Sugbo alang sa tuig 2023.

Kini gibutyag ni Konsehal Noel Wenceslao, chairman sa committee on budget and finance sa city council.

Matud ni Wenceslao nga panahon kini nga masusi og maayo ang matag budget proposal sa matag departamento.

Depensahan sa matag department head ang giduso nga budget sa ilang buhatan.

Sayo pa, giduso ni Cebu City Mayor Michael Rama ang P50 billion budget nga alang sa tuig 2023.

Ang maong kantidad total sa proposal kini sa nagkadaiyang departamento

Matud usab ni Wenceslao nga mag-una og depensa sa ilang budget mao ang mga dagkong departamento  nga nanginahanglan og taas nga diskusyon nga gilangkuban sa Department of Engineering and Public Works, City Health Department ,Cebu City Medical Center ,Cebu City Transportation Office , Cebu City Division for the Welfare of the Urban Poor (DWUP) ug Department of Public Services.

Sa pasiunang taho, giingong usa sa mga item niini ang pagpatukod og daghang medium rise buildings alang sa informal settlers. (/BDB) (BANAT NEWS)