Upat ka mayor lakip ilang mga bise mayor nitapon sa kampo ni Frasco
CEBU, Philippines — Naangkon na sa kampo ni Kongresista Duke Frasco ang mayoriya nga suporta sa mga lokal nga opisyal sa 5th district kini human nga ang mga mayor ug bise mayor sa upat ka lungsod sa Isla sa Camotes ang nitapon sa iyang kampo.
Sila si San Francisco Mayor Al Arquillano ug Vice Mayor Aly Arquillano, Tudela Mayor Jojo Solante ug Vice Mayor Erwin Yu, Poro Mayor Gary Rama ug Vice Mayor Dina Rama ug sila si Pilar Mayor Winky Santiago ug Vice Mayor Chiziline Maratas ang nanumpa kang Frasco niadtong Nobiyembre 21, 2022 pagtimaan sa ilang pag-alyansa sa kinto distrito.
“I am grateful as well to the newest members of Team Frasco who now join us in our cause to bring hope and change to the district after 70 years”, matud ni Frasco sa iyang pamahayag.
Si San Franciso Vice Mayor Aly Arquillano nagkanayon nga nananghid sila daan sa Barug Alang Sa Kauswagan ug Demokrasya (BAKUD) party kalabot sa ilang pagtapon.
“Actually para ni sa atong constituents, mao na ang hinungdan”, matud ni Arquillano.
Si Danao City Vice Mayor ug chairman emeritus sa BAKUD Nito Durano nagkanayon nga “unfortunate” ang pagbalhin sa ilang mga kaalyado unta sa Camotes apan usa kini ka “political reality”.
“We understand the circumstances and we do not harbor ill-feelings towards defecting party-members, partners, and friends”, padayag ni Durano.
Gibutyag ni Durano nga gipahibalo sila daan sa maong mga opisyal sa Camotes sa plano nila nga pagtapon.
Apan matud ni Durano nga bisan pa niini magpadayon gihapon sa pagtrabaho ang BAKUD alang sa kinto distrito sa Sugbo. (BANATNEWS)
- Latest
