Deboto sa Birhen sa Regla mihugop sa Opon

CEBU, Philippines — Gihugopan sa liboang mga deboto ang tinuig nga pangilin sa Birhen sa Regla  sa Siyudad  sa Lapu-Lapu nga naglakaw lang paingon  sa  simbahan sa Barangay Poblacion. Nunot  sa paghugop sa mga  deboto nga gikan sa nagkalainlaing dapit sa Sugbo higpit ang pagbantay nga gihimo sa kapolisan. Si  Police Colonel Elmer Lim, director sa Lapu-Lapu City Police Office (LCPO) miingom nga lakip sa gihugopan sa daghan mga tawo mao ang gipasiugdahan  nga gipaahigayon nga Civic Military Parade   sa Nuestra Señora dela Regla  sa miaging Biyernes sa hapon Nobiyembre 19, 2021.

Matud pa ni Lim  taliwala sa paghugop sa daghang mga tawo apan nagpapilin nga malinawon ug walay mga dautang panghitabo gialarma sa  buhatan  sa kapolisan.

Dugang pa ni Lim nga magpadayon ang ilang higpit nga pagbantay sa kapolisan kauban ang mga volunteers nga nagsilbing force multipliers sa pagtapos  sa ika 287 ka tuig nga pangilin sa Birhen sa Regla nga patron sa dakbayan. (BANATNEWS)