Motorized bangka gipanghatag sa mga mananagat sa Toledo
CEBU, Philippines — Mokabat sa 15 ka motorized fiberglass nga bangka ang giapud-apod sa usa ka pribadong kompaniya ngadto sa mga mananagat sa siyudad sa Toledo.
Ang Therma Visayas Inc. TVI, usa ka subsidiary sa Aboitiz Power uban sa mga partners niini maoy niturn-over sa mga bagong motorized banca alang sa mga mananagat sa syudad sa Toledo nga naapektohan sa bagyong Oddette.
Kabahin usab kini sa livelihood recovery project sa TVI.
Kauban sa TVI ang Aboitiz Foundations, Inc., Toledo City Agriculture Department pinaagi sa Bantay Dagat, Bureau of Fisheries and Aquatic Resources (BFAR) Region 7 ug Toledo United Farmers, Fisherfolks, Women and Men Workers (TUFFWOW) Inc., sa pagpatuman sa maong proyekto. Kini segun sa tahu gikan sa Facebook page sa Toledo City Information Office.
“Rest assured that we are your good neighbor and long-term partner in sustainable development,” matud ni Noel Cabahug ang TVI Facility Head.
Si Toledo City Mayor Marjorie Perales nagkanayon usab nga mapasalamaton siya sa TVI nga kanunay nisuporta sa lokal nga kagamhanan sa Toledo ug sa mga konstituwente niini. (BANATNEWS)
- Latest
