Chan misugyot nga silotan ang mohimo og vandalism

CEBU, Philippines — Girekomendar ni Lapu-Lapu City Mayor Junard "Ahong" Chan ngadto  sa konseho sa siyudad ang pagpalabang og ordinansahon nga mopahamtang og bug-at nga silot sa madakpan sa vandalism nga makahatag og dakong kadaut ngadto sa mga butang  sa gobiyerno.

Kini human namatikdan sa mayor ang paghugaw hugaw sa skywalk nga nahimutang duol sa City Hall.

Matud niya nga ang nakapait kaayong palandungon tungod kay ang dapit nga gihugawhugawan bag-o pa lang nga gipintalan sa mga sakop sa Mactan Artist Guild (MAG) nga mitabang sa beautification project pinaagi sa paghimo og mural walls.

Subay niini si Mayor Chan nangayo og tabang sa kapolisan sa Lapu-Lapu City Police Office (LCPO) ingon man ngadto sa mga barangay officials ug sa mga personnel sa Disaster Risk   Reduction and Management Office (CDRRMO) aron pag-monitor ug pagsikop sa mga responsable. —/MEL (BANAT NEWS)