Sweldo sa public school teachers tinguhang pausbawan
CEBU, Philippines — Niduso og balaodnon si Kongresista Eduardo Rama sa south district sa Dakbayan sa Sugbo sa tinguha nga pasakaan ang sweldo sa public school teachers gikan sa P25,439.00 o salary grade (SG) 11 ngadto sa P41,508.00 o SG 17.
Ang House Bill (HB) 4608 nailhan usab isip “Public School Teachers Salary Increase Act”.
Gawas sa maong pagpa-usbaw sa sweldo tumong usab ni Rama ang tinuig nga P8,000 nga teaching supplies allowance ug P10,000 nga medical examination ug treatment allowance alang sa mga magtutudlo.
“This legislative measure is close to my heart. A teacher’s salary must, at the very least, keep pace with the rise in the cost of living. It is imperative to provide public school teachers with an adequate increase in salary and allowances that meet the rising commodity prices”, matud ni Rama.
Ubos sa Akta Republika 11466 kun “Salary Standardization Law of 2019” ang entry- level sa public school teachers nikabat sa P25 mil matag buwan.
“With this house bill every public school teacher shall also be granted allowances to ensure that the salary increase is exclusively utilized for the public school teacher’s standard of living”, ni Rama pa.
Ang HB 4608 mag- cover sa teaching personnel sa tanang public schools sa elementarya u secondary levels nga giila usab sa Republic Act No. 4670 kun “Magna Carta for Public School Teachers”.
Nasayran nga adunay 15 ka balaodnon ang naduso sa 19th Congress nga nagtinguha sa pagpa-usbaw sa sweldo sa public school teachers ug nag-ong-ong kini sa Committee on Appropriations. (BANATNEWS)
- Latest
