Tulo ka most wanted sikop  atol sa operasyon sa kapolisan

CEBU, Philippines —  Gianunsiyo sa Police Regional Office (PRO)-7 nga ang kapolisan sa Central Visayas nakasikop og tulo ka most wanted person, city ug provincial level atol sa implementasyon sa warrant of arrests.

Si Police Brigadier General Roderick Augustus Alba, direktor sa PRO-7 niila sa mga

dinakpan nga sila si Edilberto Sumalinog Francisco, 46, residente sa Suba-Masulog, Barangay Basak, Lapu-Lapu City; Emma Misa Anglit, 50, taga Barangay Cogon, Lungsod sa Tuburan ug

Agustin Andujar Sumayang, 23, taga Barangay Tipolo, Mandaue City. Si Francisco gitumbok kini nga No. 3 most wanted person sa Lapu-Lapu City ang

nadakapn sa City Investigation and Detective Management Unit ug Police Station 2 sa Lapu- Lapu City Police Office niadtong Oktubre 17, 2022 diha sa Barangay Mactan sa nahisgutang siyudad.

Si Francisco nag-atubang og kasong four counts sa lasciviousness conduct ubos sa Section 5 (B) sa Akta Republika 7610 kun “An Act Providing for Stronger Deterrence and Special Protection Against Child Abuse, Exploitation and Discrimination, and for Other Purpose”.

Si Regional Trial Court (RTC) Judge Jose Alfonso Gomos, Family Court, Branch 5 sa Lapu-Lapu City  nirekomendar og P800,000 nga piyansa alang sa temporaryong kagawasan sa suspetsado.

Samtang si Anglit nabutang kini nga No. 1 most wanted person sa Regional Highway Patrol Unit - 7 provincial level tungod sa kasong theft ug kalapasan sa Akta Republika10883 kun “New Anti-Carnapping Act of 2016”.

Nunot niini, atol sa joint operation sa Criminal Investigation and Detection Group

Mandaue City Field Unit, 1st Provincial Mobile Force Company, Cebu Police Provincial

Office, City Mobile Force Company, Cebu City Police Office, ug Regional Intelligence Unit-7 nasikop si Sumayang kinsa No.2 most wanted person sa provincial level.

Ang suspetsado aduna kini standing warrant sa kasong rape nga giisyu ni RTC Judge

Maria Dee Seares, Family Court, Branch 6 sa Mandaue City ug walay girekomendar nga piyansa alang sa temporaryong kagawasan sa suspetsado. Sa ilang bahin, ang CIDG Regional Filed

Unit-7 gikan sa Oktubre 10 hangtud sa 16, 2022 nakapahigayon og 20 ka operasyon diin 21 ka tawo ang ilahang nasikop.

Gilangkuban kini sa pito ka most wanted persons, diin lima niini ang provincial level ug duha ang municipal level; 11 ka wanted persons ug duha ang nakalapas sa Oplan Kalikasan.  (BANAT NEWS)