Mitcom makigtagbo sa DPWH gumikan sa problema sa karsada
Pakigtagbuan sa Minglanilla Traffic Commission kon MITCOM ang mga opisyal sa Department of Public Works and Highways aron tukion ang mga problema may kalabutan sa ilang kadalanan.
Suma pa ni Glenn Antigua, pangulo sa MITCOM nga nahinabi sa Banat News nga lakip sa ilang tukion ang pagpangita og solusyon nga malikayan na ang mga aksidente ilabi na sa mga motorsiklo. Ilang namatikdan nga daghan sa mga karsada sa ilang lungsod ang angayan nga ayohon tungod kay panahon sa ting-uwan makasinate ang mga motorista og kadangog sa karsada nga sagad hinungdan sa aksidente.
Gidugang ni Antigua, nga kinahanglan nga mapangitaan kini og kasulbaran aron kalikayan ang mga kinabuhi nga makalas ilabi na dunay mga motorista nga kusog kaayo magpadagan sa panahon sa kagabhion.
Ang mga motorista gipahimangnuan nila nga magmatngon kanunay sa ilang pagbyahe og dili magpakusog sa ilang pagmaneho. (BANAT NEWS)
- Latest
