Tungod sa karambola, bar owners ipatawag

CEBU, Philippines — Dunay panagtigum nga himuon karong semanaha tali sa  kapulisan sa siyudad sa Sugbo, Konsehal Philip Zafra ug sa mga bar owners ug opisyales sa Barangay Kasambagan ning dakbayan tungod sa nahitabong kagubot didto dili palang dugay. Si Police Lt. Col. Wilbert Parilla, Deputy City Director for Administration sa Cebu City Police Office miingon nga buot nilang makaumol og pamaagi ang tanan aron dili na masubli ang panagkarambola sa mga kabataan sa usa sa mga bars didto sa miaging adlaw.

Dunay mga videos nga nag-viral sa social media nga nagpakita sa karambola sa mga batan-on ug gialegar nga ang duha ka videos nahitabo sa Panagdait Road ubos sa maong barangay.

Maong hitabo nakaabot na sab sa Cebu City Police Office ug sama sa unang insidente gipaimbestigaran na sab nila ni karon.

“That would be an additional issue sa diha nga area sa Kasambagan. So, again amo nang gi-direct ang COP to call the attention sa tanang bar owners diha to have a dialogue with us together with the Peace and Order Committee Council Chairman to talk with the incident especially sa kana nga series of incident diha,” sigon ni Parilla.

Importante matod pa ang partisipasyon sa barangay officials aron matuki gyud og unsay maayong buhaton. Sugod karong Biyernes ang kapulisan mohimo og inspection sa mga imnanan aron masusi kun dunay mga minors nga naa pa sa gawas bisan paman sa curfew nga gipatuman.— IBM (BANATNEWS)