Way drug syndicate sa Cebu
CEBU, Philippines — Bisan paman og dunay mga dagkong balor sa illegal nga drugas nga nakompiskar ang kapulisan sa ilahang operasyon dinhi sa Cebu City apan ang Cebu City Police Office (CCPO) walay na-monitor drug syndicate sa siyudad.
Kahinumduman nga niadtong adlaw’ng Martes ang Special Operations Unit(SOU)-7 sa Police Drug Enforcement Group(PDEG) nakakompiskar og P122 million nga balor sa illegal nga drugas didto sa Barangay Busay.
Pag Miyerkules sa gabii sab, ang City Drug Enforcement Unit sa CCPO nakasakmit og P4.6 million nga kantidad sa illegal nga drugas gikan kang Elton John dela Torre usa ka High Value Individual Regional Level diha sa Ludo Cemetery or Chinese Cemetery sa Brgy. Carreta.
Base sa ilang imbestigasyon nga ang ginikanan ni Dela Torre nadakpan na usab tungod sa kalabutan sa illegal nga drugas.
Atol sa operation nakuha sa posisyon ni Dela Torre ang nag kadaiyang putos sa gidudahang shabu nga motimbang og 675 gramos nga mobalor og P4.6M.
Si Dela Torre pasakaan og kasong klapasan sa Sec. Sec.11 Art 2 RA 9165 Comprehensive Dangerous Drug Act of 2002.
Apan giklaro ni Police Col. Ireneo Dalogdog, City Director sa CCPO nga wala’y drug syndicate sa dakbayan apan duna sila’y mga tawo nga nahibaw-an nga nalambigit niini nga ilaha na karong gisundan.
Sigon sab ni Dalogdog nga possible ang mga drug personalities nga na-monitor nila karon sa siyudad sa Sugbo, mga tawo o kaila lang sab kini sa mga tawo nga nadakpan nila sa ilahang mga operasyon kaniadto.
“Possible mag-connect lang ni sila, kumbaga parang pag may mga kakilala ka tapos nahibal-an ka nga ingon ani imong dula sa unang panahon so naa kay kaila pwede ra pud ka i-connect sa dati na pud nga naa sa kulongan karon,” sigon ni Dalogdog. Apan namatikdan nga wala pay resulta sa mga imbestigasyon bahin sa mga impormasyong nakuha sa mga otoridad gikan sa mga dinakpan sa anti-drug operations nga kadaghanan nag-ingong inmates ra sab ang source sa ilang ilegal nga drugas. —/IBM (BANAT NEWS)
- Latest
