200 ka PDL sa Talisay City Jail nigradwar sa ALS
CEBU, Philippines — Niabot ngadto sa 200 ka person deprive with liberty (PDL) sa Talisay City Jail ang nidawat sa ilang diploma human sila nakalampos sa ilang pagtungha sa Alternative Learning System (ALS).
Si Mayor Gerald Anthony “Samsam” Gullas Jr. usa sa nitambong sa graduation ug nipahalipay sa mga ni-graduate.
Matud ni Gullas nga sa iyang administrasyon bisan og anaa sa bilanggoan hatagan nila kini og higayon nga malingaw ug makat-on sa mga programa.
Kini usa ka paagi nga ang mga binilanggo makaamgo sa ilang kasaypanan ug magbag-o sa ilang kinabuhi.
Sa ulahi nga pagbisita ni Gullas diha sa maong pasilidad nitambong kini sa graduation sa mga binilanggo nga nakalampos sa Technical Education and Skills Development Authority (TESDA) nga kurso.
Si Gullas nipaabot sa iyang pasalamat ngadto sa kadagkoan sa Bureau of Jail Management and Penology (BJMP) pinangulohan ni Senior Inspector Crisyrel Awe.
Dugang ni Gullas nga daghan pa og mga programa ang ilang ipaabot diha sa maong pasilidad sa umaabot nga buwan. —/BDB (BANAT NEWS)
- Latest
