TCC magdugang og duha sa kurso
CEBU, Philippines — Posible nga madugangan og duha ka kurso ang Talisay City College (TCC) apan dili pa karong tuiga samtang gihan-ay pa kini sa kadagkoan sa tunghaan.
Si Dr. Richel Bacaltos, presidente sa TCC nibutyag nga ilang gipanglantawan nga kaya nila nga madugang ang business administration ug tourism management.
Ang maong plano subay kini sa resolusyon ni Konsehal Eduardo “Digul” Gullas III, chairman sa committee on education sa konseho sa siyudad.
Matud ni Gullas nga lakip sa iyang resolusyon mao ang pakig-alayon sa mga negosyo o kompaniya sa Talisay nga mopili og on job trainees (OJT) aron kong mogradwar na ang mga estudyante adunay kahigayonan nga madawat kini sa trabaho.
Sa niaging adlaw, ang Talisay City College Board nagtigom kini uban kang Mayor Gerald Anthony “Samsam” Gullas Jr. kinsa chairman tigom.
Sa pagkakaron, ang TCC adunay 5,770 ka tinun-an sa nagkalain-laing kurso.
Matud ni Gullas nga sa Dakbayan sa Talisay libre ang tuition sa elementarya, high school ug kolehiyo. —/BDB (BANAT NEWS)
- Latest
