Oplan Disiplina ipatuman sugod ugmang adlawa

CEBU, Philippines — Sugod ugmang adlawa, Oktubre 1,2022 ipatuman na sa Siyudad sa Sugbu ug sa kapolisan ninii ang tanang mga ordinansa ug polisiya nga makapadisiplina sa mga tawo nga naa sa dakbayan subay sa tinguhang Singapor-like Cebu City sa mayor.

Ang Cebu City Police Office mipahibalo nga moimplementar sa programa sa Cebu City Government nga gitawag og Oplan Disiplina.

Ubos sa Oplan Disiplina ang mga malapason sa Cebu City ordinances ug  balaod posibleng matanggong o kaha makamulta matud ni Police Lt. Col. Wilbert Parilla, Deputy City Director for Operations.

Apil sa bantayan mao ang mga tawong magpataka og pangluwa bisan asa, panigarilyo, pagpangihi sa pampublikong lugar, ug uban pa.

Makamulta sila og P500 ngadto sa P5 mil ug adunay pagkapriso nga magdepende sa ilang salaod nga nahimo.

Ang kapulisan maoy mosilbing bantay sa tanan apil sab sa mobantay ang mga sakop sa Cebu City Transportation Office, CESET, PROBE ug uban pa. —IBM (BANATNEWS)