Siyudad sa Lapu-Lapu  giduaw na sab og Butanding

CEBU, Philippines — Pipila ka mga butanding ang nakit-an diha sa Marigondon Causeway sa Dakbayan sa Lapu-Lapu nga gitapuk-an dayon sa mga tawong nagsakay og mga bangka alang sa talagsaong kasinatian.

Gitug-an ni Mayor Junard ‘Ahong” Chan sa Dakbayan sa Lapu-Lapu pinaagi sa iyang social media post nga dili lamang kini ang unang higayon nga dunay nakit-ang Butanding sa kadagatan sa siyudad.

Matud pa ni Chan, sa nilabay nga bulang adunay nakit-an nga butanding sa kadagatan

sa Mactan ug Punta Engaño ug niadtong adlaw nga Miyerkules laing Butanding usab ang nakita sa Marigondon Causeway.

Sumala pa ni Chan, ang pagpakita sa mga Butanding sa kadagatan sa Lapu-Lapu nagpakita lang kini sa ka abunda sa marine species sa kadagatan sa siyudad.

Dugang pa ni Chan, ang ilang siyudad andam na motagamtam og mas malamboon nga turismo.

Gitug-an ni Chan, ang iyang administrasyon modoble sa pagpaningkamot nga proteksyonan ang maong mha higanteng iho.

Si Chan, nanawagan karon sa katawhan nga katawhan nga likayan ang paghimo ug mga

illegal nga pamaagi sa panagat sama sa dynamite fishing ug panghilo. Giawhag niya ang mga tawong makakita nga dunay naghimo niini nga mosumbong kini sa iyang buhatan. (BANAT NEWS)