Kawatan sa CCSC nailhan na
CEBU, Philippines — Duna nay lead ang mga otoridad bahin adtong lalaking nakuhaan og video nga nikuha sa mga bag sa joggers diha sa oval sa Cebu City Sports Center niadtong Agusto 3,2022.
Nagkanayon ang tagdumala sa CCSC Jovito Taborada nga duna na sila’y lead kun kinsa kadtong maong lalake. Ang maong mga bags iya sa 14 ug 17 anyos nga mga batan-on nga nigamit sa pasilidad.
Ang kapulisan sa Police Station 2 padayon pa ang imbestigasyon nga gihimo.
Karong tuiga mao na kini ang ikaduhang insidente sa pagpangawat sulod sa CCSC ug sigon ni Taborado aron dili na kini masubli pa bisan og wala sila’y blue guard ug ilahang mga tawo ra ang nagbantay sa seguridad sa pasilidad mas hugtan nila pagbantay.
Subling gipahimangnoan ni Tobarada ang mga mosulod sa sports center nga dili mokompiyansa og bilin sa ilahang mga gamit. Adunay courtesy booth kun diin pwede didto ibilin ang ilang mga gamit.
Ang hepe sa Police Station 2 Police Major Nolan Tagsip miasoy nagpahigayon nas ila og ocular investigation sa dapit ug gi-review nila ang kuha sa CCTV.
“We would like also to encourage our runners diri sa Abellana (CCSC) is naa tay mga athletic activities diri please do not leave your belongings unattended there might be person who will be taking advantage of it,” awhag ni Tagsip. — /IBM (BANAT NEWS)
- Latest
