40 ka balay maapektohan  sa flood control project

Cebu, Philippines — Gipakigkitaan ni Cebu City Councilor Jerry Guardo ang 40 ka tag-iya og mga panimalay diha sa Barangay Lorega San Miguel nga nasulod sa 3-meter easement ug maapektohan

sa umaabot nga flood control project nga himuon diha sa lugar.

Uban ni Guardo si Lorega San Miguel Barangay Captain Fritz Herrera ug ang

Department of Public Works and Highways, Division for the Welfare of the Urban Poor.

Matud ni Guardo nga ang maong proyekto gipundohan kini sa DPWH District Engineering Office diin P100 milyones.

Nasayran nga ang contractor sa proyekto naisyuhan na og notice to proceed.

Si Guardoi nagkanayon nga aduna pay pipila ang wala maka-voluntary clear sa ilang

mga balay hinungdan nga gipatawag sila sa barangay aron mapasabot sa guidelines ug maka- avail sa relocation site nga mao ang medium rise building (MRB).

Matud usab ni Guardo nga kon ma-finalize na ang proyekto gikinahanglang mo-schedule

sila og adlaw aron ma-clear ang mga istraktura ug makasugod na ang contractor sa

installation sa sheet piles.

Ang maong flood control project anaa kini nahimutang sa boundary sa Barangay

Zapatera ug Lorega San Miguel.

Sa laing bahin, giapod-apod sa kagamhanan sa Siyudad sa Mandaue ngadto sa mga

tinun-an sa elementarya sa mga publikong tunghaan sa kabarangayan ang mga disaster kit bag.

Gisugdan sa pagpanghatud sa supplier sa siyudad ang mga disaster kit bag niadtong

Hulyo 20, 2022 ngadto sa nagkadaiyang tunghaan sa elementarya nga naglakip  sa Cubacub

Elementary School sa Barangay Cubacub sa maong siyudad.

Nasayran nga ang sulod sa disaster kit bags naglangkub sa hygiene kit sama sa

toothbrush, face mask, mga bar soap, wet wipes, alcohol.

Ang maong mga bag aduna usab kini first aid kit sama sa hard hat, flashlight ug raincoat. — Romeo T. Limpangog/BDB (Banat News)