Ecstacy wa pa makasulod sa Talisay

CEBU, Philippines — Gipadayag ni Police Lt. Col. Randy Caballes, pangu sa Talisay City Police Station nga wa  a makasulod sa siyudad sa Talisay ang drugas nga ecstacy.

Suma pa ni Caballes nga base sa ilang monitoring motumaw ang ecstacy diha sa mga high end

nga lugar ug sa mga adunahan nga tawo tungod sa kamahal niini.

Hinuon nakig alayon na sila sa mga tag-iya og bar nga unta mosumbong kanila sa higayon nga

dunay mamatikdan nga dili maayong lihok sa ilang mga customer. Una niini, miabot sa P6.7

milyones nga ecstacy ang nasakmit sa mga otoridad sa siyudad sa Sugbo sa miaging adlaw.

Sa laing bahin bag o na ang mga opisyales sa Peace and Advisory Council (PACC) sa Dakbayan

sa Talisay human ang grupo naghimo sa piniliay atol sa ilang tigum niadtong Miyerkules sa

hapon.

Mayoriya sa grupo nitudlo ni Cyril Velasco nga maoy mahimong chairman. Si Velasco usa ka

negosyante nga mao sab ang presidenti sa Talisay City Chamber of Commerce and Industry.

Matud pa niya nga iyang paningkamotan nga makahatag og tabang sa kapolisan ang grupo alang

sa kaayohan sa Talisaynon.

Nahimo nga vice chairman sa internal affairs mao si konsehal Gail Restauro, chairman sa

committee on peace and order ug si Dr. Richel Bacaltos nga maoy presidenti sa Talisay City

College (TCC) nga mao ang vice chairman sa external affairs. (BANAT NEWS)