Thanksgiving alang ni Camomot himoon sunod semana

CEBU, Philippines — Gipaabot nga moabot sa kwatro mil ngadto sa singko mil ka mga magtutuo ang motambong sa Solemn Thanksgiving Mass ug Promulgation sa Decree of Heroic Virtues ni Venerable Teofilo Camomot sunod semana Hulyo 27, 2022 diha sa St. Teresa de Avila Chapel, barangay Valladolid Carcar City.

Matud pa ni Mother Louella Grace Buscato, Mother Superior sa Daughters of Saint Teresa de Avila nga nakaandam na sila alang sa maong kalihukan, diin tanan mosulod ug motambong sa maong misa adunay ID human sila mag online registrations.

Dugang pa ni Buscato, sa alas tres sa hapon adunay conference sa Process sa Beautification and Canonization of Saints nga ipaambit ni Fr. Samson Silloriguez, OAR ang Postulator of the Cause.

Ang solemn thanksgiving mass, himoon sa alas kwatro sa hapon nga pangulohan ni His Excellency Archbishop Charles John Brown, D.D Apostolic nuncio to the Philippines.

Si Archbishop Jose Palma, maoy mobasa sa decree ug isunod usab ang pag unveil sa Portrait ni Venerable Teofilo. Si Palma sa iyang bahin, maampoon human ning dakong kalihukan makakuha na gayud ug usa ka dakong milagro aron mahimong santo si Camomot.— MEL (BANATNEWS)