Minatay wa ihatud

CEBU, Philippines — Bisan ang tawong patay na kinahanglan pang makakompleto og bayad sa serbisyo pagpahiluna sa iyang lawas.

Mao kini ang nahitabo sa usa ka minatay nga diriyot wala mahinayon paglubong sa adlaw nga kini ihatud sa pahuwayang dayon tungod kay matud pa wala kini kuhaa sa purlon sa punerarya kay duna pa silay balanse sa balayrunon. Si Konsehal Rey Gealon sa Dakbayan sa Sugbo pagkasayod sa maong hitabo gustong paimbestigahan ang hitabo.

Usa ka Inday Nalda ang ni-post sa iyang social media account nga nagtug-an nga wala balika sa punerarya ang minatay atol sa adlaw sa lubong niini kay wala pa ma fully-paid ang balanse serbisyo para sa maong namatay.

Ang Barangay Inayawan mao nalay nisanong para sa banay sa namatay ug gipagamit ang ilang sakyanan paghatud sa paglubong niini. Karong Miyerkules ipatawag sa sesyon sa Konseho ang tagtungod ug ang nipakatap sa social media atol unya sa “speak before sa council” aron masayran ang kinatibuk-ang panghitabo.

Si Gealon gikatakdang moduso og resolusyon sa konseho nga magsilot sa mga establisamentong sama niini kung dili sila motiwas og serbisyo sa namatyan tungod lang kay aduna pay balanse sa ilang bayranan.

Gusto ni Gealon nga pahamtangan og silo tang mga sama niini nga hitabo.— IBM (BANATNEWS)