Mga Lupon sa Naga gipaubos sa seminar
CEBU, Philippines — Gipaubos sa seminar ang mga sakop sa Lupong Tagapamayapa sa Siyudad sa Naga.
Kini aron mas mapalambo pa ang ilang kaalam sa ilang trabaho nga paghusay sa mga kasungian sa katawhan.
Si Police Lieutenant Colonel Junnel Caadlawon, hepe sa kapolisan sa siyudad nibutyag nga gihimo nila ang prorgama nga “KKK” (Katawhan Kapulisan Kabataan).
Matud ni Caadlawon nga usa kini ka paagi nga padayon ang pagkamalampuson sa pagpatuman sa peace and order sa siyudad.
Ang Siyudad sa Naga gilangkuban kini sa 28 ka barangay ug adunay 334 ka Lupon.
Si Caadlawon nagkanayon nga katambayayong nila ang mga lupon sa pagpatunhay sa kahapsay ug kamalinawon sa lugar.
Ang trabaho sa Lupon mao ang pag-uli sa maayong kabubot-on sa manag silingan nga adunay mga kasungian. —BDB (BANATNEWS)
- Latest
