P60 madaginot sa pagkunhod sa rate sa Visayan Electric mokunhod og P30

CEBU, Philippines — Taliwala sa pagsaka sa presyo sa gasolina sa kalibotanong merkado, ang residential customers sa  Visayan Electric makasinati og  30 sentimos nga pagkunhod sa  bill alang sa bulan sa  Hunyo hangtod sa Hulyo. Mius-os na ngadto sa P13.70 matag kwh ang average rate sa mga kustomer sa residential gikan sa P14 matag kwh rate sa miaging buwan.

Nagpasabot kini sa gibanabanang P60 nga pagkunhod sa bayronon sa kasagarang panimalay nga may konsumo nga 200 kwh kada bulan.

Ang Presidente ug Chief Operating Officer sa Visayan Electric nga si Engr. Raul C. Lucero nipasabot nga ang volatile nga presyo sa elektrisidad tungod sa taas nga generation rates nga resulta  taas nga presyo sa gasolina sa merkado sa kalibutan.

Sa bulan sa Mayo, adunay gamay nga pagkunhod sa presyo sa gasolina nga miresulta sa gamay nga pagkunhod sa mga generation ug electricity rates. Ang nagpadayon nga gubat tali sa Ukraine ug Russia, nga nagsugod kaniadtong Pebrero nakatampo usab sa mga isyu sa suplay sa gasolina ug presyo.

"The price of fuel in the world market has really affected power generators, and our electricity rates, as well. It's a good thing that for the billing month of June - July, our average rate for residential customers

had dropped by 30 centavos," sumala pa niya. Gawas sa kamahal sa presyo sa petrolyo, aduna usab mga limitasyon sa transmission sa Visayas Grid. Hinuon si Lucero niingon nga ang Visayan Electric naghimo og mga lakang aron makontrata ang mas barato

nga supply kuryente pinaagi sa pag-apply alang sa usa ka emergency power purchase. Aron matabangan ang mga kustomer niini, ang electric utility nagpadayon sa pagtanyag sa mga pamaagi  sa

pagbayad kung diin ang mga kustomer makabayad sa ilang mga bayronon sama sa installment. Ang mga kustomer kinahanglan lamang nga mag-apply alang sa maong payment arrangement ngadto Visayan

Electric Service Centers nga nahimutang sa Tabunok, One Pavilion Mall sa Banawa, Piazza Elisea sa Talamban, JCentre Mall sa Mandaue, ug sa Glaj Building sa Consolacion. (BANAT NEWS)